mandag 23. mars 2009

Om japansk inspirasjon og stiklingmagi

Det var ei bra hagehelg her hos oss, eg er snart ferdig med eit nytt bed og mannen i huset har begynt å rydde vekk smålønn og helvetesspirea frå sprekkane mellom nokre kampesteinar der me skal ha japansinspirert landskap. Her er eit før-bilde:
Her skal det stå ei japansk lønn (Osakazuki), ei kvitrogn og eit tredje tre som skal ha vakker blomstring, me har ikkje heilt bestemt oss kva det skal vere enno. Trea skal plantast i lommene mellom steinane, og dei skal klippast slik at dei held seg små. Me må også komme på ein bra bunndekkar, den skal helst vere grøn og frodig, gjerne moseaktig. Trur det kan bli fint!

I august klipte eg fire stiklingar av ei svær klatrerose som står hos mor mi. Den har vore på tunet i "alle år", sannsynlegvis sidan før andre verdskrig. Me har alltid trudd at det var 'New Dawn', men vår er ikkje remonterande. For ei stund sidan leste eg tilfeldigvis om ND sitt opphav, 'Dr. van Fleet'. Dei to rosene er like bortsett frå at sistnemnde berre blomstrar om sommaren. Så då er nok vår rose den, tenker eg.

Uansett, stiklingane blei sette i ei potte og stort sett glemt over vinteren. Nyleg oppdaga eg friske skot på dei, og jammen var det ikkje røtter på alle fire! I går potta eg dei om, og nok ein gang falt eg i stavar over dette med stiklingar. Du stikk ein pinne i jorda, og så får du ei ny plante. Det er heilt magisk... Eg kjenner at dette blir eit stiklingår, eg er heilt hekta. På badet står ti gule og ti raude kornellar til roting, i kjellaren fem vripil, og eg vil ha meir!

Og for øvrig har eg visst laga meg ein ny blogg, om ein annan lidenskapeleg interesse for tida; handarbeid.

4 kommentarer:

  1. Så flotte rosestiklinger!
    Men den rosa burde absolutt innrapporteres til genressursutvalget. Snakk med Per Harald Salvesen, tror han driver med sånt i ditt område.

    Gleder meg til etter-bilder av den japanskinspirerte!
    Japansk lønn og kvitrogn høres ut til å kunne kle hverandre utmerket.

    SvarSlett
  2. Stiklingsmagi og mani har jeg også sans for, fantastisk å lage nye planter.

    Flott håndarbeidsblogg!

    SvarSlett
  3. Fin håndarbeidsblogg.

    Jeg er glad i håndarbeid, jeg også men jeg føler at jeg aldri får det skikkelig til.
    Nå har symaskinen min funnet ut at den bare vil sy baklengs, også, så da blir det jo enda verre ;-)

    SvarSlett
  4. Så spennande med japaninspirert hage, blir artig å følge med på framover! Må inn og kikke i handarbeidsbloggen og, er veldig glad i å drive med forskjellig slikt sjølv : )

    SvarSlett