Viser innlegg med etiketten blomstring. Vis alle innlegg
Viser innlegg med etiketten blomstring. Vis alle innlegg

torsdag 9. juni 2011

Og det blomstrar vidare

Sidan Ove er så flink til å blogge om alt arbeidet som går føre seg i hagen, så får eg heller vise fram alt det fine som blomstrar!
Valmuesøstra i ferd med å åpne seg, pakkar ut dei knallblå skjørta sine.

Duppesoleia ser så skjør og vakker ut, men er vel noko av det mest solide eg har.

Denne lysgule ballblomen fekk eg av bestemor mi for lenge sidan. Hø døydde for to år sidan omtrent på denne tida, eg syns ballblomen som blomstrar no er eit fint minne om henne.

Gudeblomen er liten men fin, og blomstrar bra trass i hardhendt flyttting til surjordsbedet i vår.

Epimedium som eg ikkje huskar namnet på, også den i surjordsbedet.

Ein Geum som sto i hagen her då me overtok. Då var den berre nokre få blader som stakk opp midt i eit overgrodd bed, men er no blitt stor og flott igjen.

Og her har valmuesøstra opna seg, kanskje det finaste i hagen akkurat no. I alle fall fram til peonane set i gong.