Blomstring i august

Det er mange fargar i Blåbærhagen i august, og godt er det. Noko må ein jo ha å trøyste seg med når ferien er over og det går mot haust.

Kongslys - Verbascum chaixii album

Scabiosa

Tvikattost - sidalcea malviflora

Ettårig ridderspore - Delphinium chinensis 'Gentian Blue'

Kjempeverbena - Verbena bonariensis

Middelhavsstemning i sørveggen

I sørveggen på huset vårt er det lunt og godt, det er ein hellelagt gangvei/trapp som går rundt huset, og grunnmuren er kvitmalt. Ganske tidleg fann me ut at dette måtte vere plassen for varmekjære middelhavsurter. Då me flytta inn var det eit lite bed inn mot grunnmuren, jorda besto av grus med diverse skrot, og det einaste som vokste var krypmispel i store mengder, og ugras. Slik såg det ut i november i fjor.

Då våren kom fekk me renska godt opp i dette bedet, og gjorde det litt større. Stubbar av krypmispel blei dradd opp, og me skifta ut jorda. Men me blanda godt med sand og grus i den nye jorda, for planter av det slaget me ville ha der trivst med litt mager og veldrenert jord. Så planta me ned ein lavendel, salvie og perovskia som me hadde me oss då me kom til Blåbærhagen. Då blei det slik som dette.
Dessutan fekk alle dei heimesådde sitrustrea til mannen i huset komme ut på sommarferie, og dette er jo den beste plassen for dei. Det er snakk om fem plantar som er ca åtte år gamle, dei er blitt ganske store etterkvart og overvintringa er ei utfordring. Så etter ein lang vinter i den mørke kjellaren satte dei nok pris på å få komme ut i lyset.











Etterkvart sådde me oregano og timian innimellom, og kjøpte ein rosmarin som står i potte. Når plantene hadde fått etablert seg litt såg det slik ut, salvien blomstra nydelig veldig lenge og etterpå overtok lavendelen. Den held det gåande enno. Men etterkvart synest me at den kvite muren såg veldig tom ut, og hadde behov for ein kaltreplante eller to. På Hagegal fekk me anbefalt drue, og det passa jo rett inn i middelhavstemaet! Vårt lokale hagesenter hadde opptil fleire druesortar til sals, me valde dei herdige 'Hasansky Sladki' og 'Beta'. Utfordringa her i Blåbærhagen er nok ikkje så mykje vinterkulde, snarare at det er fare for korte og kjølige somre slik at druene ikkje rekk å bli modne. Men me prøver oss! Og dekorative er dei jo uansett.





Druene vokste fint, og etterkvart måtte me ordne noko å klatre på til dei. Me vurderte å kjøpe espalier, men fann aldri noko me likte. Dermed var det fram med hammar og spiker i staden, og med litt ståltråd i tillegg synest me klatrestativet blei veldig bra. Det består altså av ei ramme av lekter, og på innsida av ramma skrudde me fast rekkjer me øyeskruer og strekte ståltråd mellom dei. Ein tråd vertikalt for kvar plante, og fleire horisontale trådar med 15 cm mellomrom. Drueplantene blei beskåre til eit hovudskudd, neste år skal dei få sette sidegreiner og kanskje eit par drueklaser. Det var voldsom blomstring i vår også men i følge all faglitteratur skal plantene ikkje få bære frukt første året, for det går på bekostning av veksten. Så med tungt hjerte, men fast hand, klipte eg av minidrueklasene tidleg i sommar... Me får håpe det lønnar seg i åra framover!

Eg har plukka inn sommaren

Jaja, sommaren har vore hektisk for oss i Blåbærhagen, me har ikkje hatt så mykje tid til hagen som me skulle ønske og langt mindre til blogging. Mine store planar om dokumentering av arbeidet med hagen har fisla ut i sanden og eg har ikkje vore så flink til å bruke kameraet som eg burde. Men ein del har jo blitt gjort, og nokre bilde har eg tatt. Så eg kjem til å presentere eit par prosjekt framover.

No har det blitt ruskevér, og eg fryktar at det er begynnelsen på slutten på ein lang og fantastisk sommar. Men august er jo også ein sommarmånad, og eg håpar at den også blir fin og at det blir mange fleire slike sommarbukettar på bordet!

Jonsok...

... i Blåbærhagen er våt og kald, men midtsommarnatt er midtsommarnatt og stemninga er her likefullt...

Sommar i Blåbærhagen

Geranium cinereum subcaulescens

Allium giganteum

Ukjent hornfiol

Ukjent pimpinell - husmorrosa?

Geranium pratense 'Splish Splash'

Utmerkelsar og utfordringar

Eg har fått ein såkalt award frå Moseplassen, "Kreativ Blogger". Takk til deg, det var veldig kjekt!

Og utfordringar har også tikka inn, frå Randi og AnneKa. Den lyder som følger:
"Pick up the nearest book. Open on page 123. Find the fifth sentence. Post the next three sentences. Tag five people, and acknowledge who tagged you."

Jaja, sidan dette er ein hageblogg må det vel bli ei hagebok. Og for å vere ærlig er det vel stort sett det eg leser for tida... Den siste er ei bok eg fekk frå mor mi, The Heart of a Garden, ei bok (og tv-program) som handlar om ei rekkje hageanlegg i sørvestlege England. Vakre bilder, underhaldande lesning og masse inspirasjon å hente her. Side 123 er midt i kapittelet om Stourton House Flower Garden, og skildrar eigaren av hagen, Elizabeth Bullivant:

Elizabeth is endlessly knowledgeable about her garden, seemingly familiar with every inch of it, and conversant with the hiding place of every unusual flower, down to the smallest violet. Her horticultural anecdotes are not only informative, they make a visit to Stourton House all the more personal. Her pride in the garden is obvious when she describes how, in the drought of summer 1976, her lawn remained green whilst those of other gardens were rendered brown and patchy. Her lawn thrived because it has a high ratio of natural plants (such as clover) to grass - another example of how Elizabeth works with her natural environment to get the results she wants.

Eg måtte ta med ei ekstra setning for å få med poenget om ville planter i plenen. Her er eg heilt på linje med henne, plenen vår er vel i grunnen meir ugras enn gras...

Eg ser at veldig mange allereie har fått denne utfordringa så eg er usikker på om eg kan finne fem å sende den vidare til. Eg veit at Nefertiti leser mykje, så herved går stafettpinnen vidare til henne!

Nesten ny uteplass!

Me har ein ganske fin firkanta hellelagt platting heilt i grensa til naboen. På grunn av nivåforskjellar er den murt opp med stein og sand. Den har nok vore der ein del år, for muren på den eine kanten hadde rast ut litt så heile plattingen var på sig nedover. På den samme sida stikk det opp diverse slanger og rør i tilknyting til brønnen, ikkje særlig dekorativt.

Mannen i huset har reparert muren og plattingen, og me har laga eit halvsirkelforma bed langs denne sida av plattingen. Der har me planta roser og ein skjærsmin, med tanke på lange fine sommarkvelder der me kan sitte og snuse inn duften... Eg har prøvd å velge ut roser etter kriteria rmontering og god duft, men den aller første rosehandelen fann stad på Plantasjen og der var det eit heller kjedelig utval. Det er nok dei historiske rosene som står mitt hjerte nærmast, og dei fann eg i rikt monn på Fantoft Hagesenter. Fantastisk stad!

Rosene i bedet er :
Queen Elizabeth (rosa klaserose)
Pascali (kvit klaserose)
The Fairy (rosa bunndekker)
White Cover (kvit bunndekker)
Nadia Renaissance (mørk raud buskrose)
Ispahan (rosa damascenerrose)
Rose de Resht (raudrosa portland/damascener)

I tillegg har eg ei raud rose fått som rotskudd frå ei eldre dame eg kjenner. Ho kallar den berre 'Strilerose', så snart den blomstrar skal eg prøve å få identifisert den.

Her ser de før- og etterbilder, det gjenstår enno litt, som ein eller annan form for bedkanting, rydding i "plenen" rundt osv. Her kan de også sjå dei nye hagemøblane våre! Det er ikkje lett å vere etisk forbrukar og prøve å unngå regnskogtømmer, men til slutt fann me furumøbler som me likte. Uthuset på bildet er naboen sitt og det er ikkje i bruk, gjett om eg har lyst til å flikke på det og plante klatreroser og klematis som kan dekke det...

Villblomar i hagen

Nesten for kvar dag som går dukkar det opp nye ville blomar i Blåbærhagen. Eg blir like glad kvar gong eg finn noko nytt, senker skuldrane og tenker at joda, her er faktisk meir enn berre ugras. Eg drømmer om blomstereng så snart spireakrattet er rydda. Har allereie kjøpt frøblanding, men til mi store glede ser det altså ut til at her rikelig med artar frå før. Og dei som finst her naturleg trivst tydeligvis og er verdt å vidareføre. Eg fekk denne boka til bursdagen her forleden, fantastisk fin og veldig inspirerande. No skulle eg berre ønske eg hadde eit par mål ekstra i tillegg til det knapt halve me har...

Blåbær

Skogstjerne

Raud jonsokblom

Engfiol

Jonsokkoll

Jordnøtt

Hønseflokken er i hus!

Trufaste lesarar vil huske at eg har skrive om at eg ønskar meg ein liten hønseflokk i Blåbærhagen. Det viste seg å vere vanskeleg å få tak i kyllingar av mange ulike slag, eg vil jo helst ha fire-fem forskjellige høner. Så eg tok skeia i eiga hand og gjekk til innkjøp av rugeegg i staden. Eg og søster mi gjekk i kompaniskap om ruginga, sidan ho bur på gard tok ho hand om prosessen. I pinsehelga reiste me nedover på besøk og kom heim att med seks små nøster! Det er Australorps, Isbar og Wyandotte, det kjem til å bli svarte, grå og brunspragla fuglar. Dessverre klekte ingen av Orpingtonegga, så det blir ingen store gule høner i denne omgang. No bur kyllingane i ei stor pappøskje i kjellaren, under varmepæra, og me stullar med dei så godt me kan. Neste post på programmet er bygging av hønsehus. Byggmesteren i huset har surfa på nettet etter idear og der er det mykje rart å finne, her for eksempel... Me satsar nok på ein litt enklare variant enn enkelte av dei palassa der.

No kryssar me berre fingrane for at me har fått med oss tistrekkelig med hønekyllingar, og at det ikkje berre er haner. I så fall kan det bli livlig i Blåbærhagen om morgonane. Eller kanskje det blir Coq au vin.

Ps: bildet er klikkbart, så søte kyllingar fortener å bli sett i større storleik...

Er her enno...

Det er for fint ver til å sitte inne framfor skjermen for tida, me går ut om morgonen og kjem ikkje inn igjen før i titida. Nåja, kanskje ikkje heilt sant, men bortimot. Mykje skjer i Blåbærhagen, oppdateringar kjem snart håpar eg. Enn så lenge viser eg berre bilder av plantene eg kjøpte på hagemessa sist helg, mest frå fantastiske Eides Stauder på Askøy, men også litt frå like fantastiske Ljono Stauder i Ulvik. Eg kjøpte en del planter med dekorativt bladverk (Heuchera, Brunnera, Cyclamen, Cimifuga), elefantgras (Miscanthus floridulus ’Giganteus’) som kan bli tre meter høgt, og ei vakker, vakker fylt julerose (Helleborus orientalis). Mykje spennande, med andre ord, og ein god motivasjon til å få ferdig beda så eg kan få desse og alle andre pottebuarar i jorda.