mandag 27. april 2009

Ingen liten Bagatelle dette, nei

Det har vore altfor fint ver til å sitte inne og blogge, og dessutan travelt på mange frontar. Ei langhelg i Paris har me likevel fått tid til... Forsinka bryllupsreise kan ein kanskje kalle det. Etter at kvalene med å reise frå nesten-toåringen i tre heile netter hadde gitt seg, klarte eg jammen å nyte det også. Kven skulle tru eg skulle bli ei slik hønemor? Veslepionen og mormora hadde ei strålande helg i lag, og jentungen hadde ikkje ein gong folkeskikk nok til å spørre etter foreldra sine. Men men, ho blei veldig glad for å sjå oss igjen og det var jo endå godt.

Paris var sjølvsagt fint, det mest interessante på hagefronten var Parc de Bagatelle. Me blei begge veldig begeistra for dei espalierte frukttrea i kjøkkenhagen, har lyst til å prøve oss på noko slikt her også. Er det ikkje fint?




Løkblomstringa var på sitt beste mens me var der, vil eg tru. Sjølvsagt gjekk batteriet på kameraet ganskje kjapt, men eg fekk foreviga litt i alle fall.


Ein trepeon hadde så smått begynt å blomstre:



Kirsebærblomstringa i heile byen kunne ta pusten frå nokon og ein kvar, dette treet i Parc de Bagatelle gav ly for ei stakkars sliten Blåbærdame...



Og påfuglane, påfuglane! Kan det bli meir pittoresk enn denne fuglen i dette lysthuset?



Me tok våren ein smule på forskudd med denne turen, og det var jammen fint. No er våren komen for fullt i Blåbærhagen også, meir om det etterkvart!

8 kommentarer:

  1. Å, så heldig du er. Da vi var i Paris i fjor påske var det bare kaldt og ilt.
    Og det var omtrent ingenting annet enn muscari og mahonia som blomstret.
    Godt å komme seg ut litt på egenhånd når man vender seg til tanken på at gullebarna har det trygt og godt hos noen de kjenner :-)

    SvarSlett
  2. Vår i Paris - det er vel klassisk det : ) Og det såg jo ut fra bilda som om det levde opp til sitt gode navn og rykte! Kjekt med ein tur for to (vil eg tru, har ikkje kommet oss så langt enda, og no er me snart 4...).

    SvarSlett
  3. Så flotte bilder! Den trepeonen var nydelig. Takk for titten!

    SvarSlett
  4. Slike turer lever en lenge på!
    Så artige de spaljerte frukttrea var, har aldri sett maken til det blomstrende gjerdet til det runde bedet!

    SvarSlett
  5. Høres ut som son flott tur.
    Ha en fin vårdag.

    SvarSlett
  6. Flotte bilder fra Paris og Bagatelle, takk for at du deler dem med oss!

    I en av kolonihagene er det en som har espaljerte epletre som hekk, men det ser for avansert ut for meg.

    Ellers er vi hønemødre uansett barnas alder...

    SvarSlett
  7. oida, praktfull hage!
    Jeg sitter og koser meg hver søndag med Monty Dons hageprogram fra ulike land, og det er så kjekt å se hvordan man gjør ting i ulike land og ulike hager. Slik som dette ser det bare ikke ut i norge...

    SvarSlett
  8. Stilig med de frukttrærne! Kanskje det var noe å prøve på. En må kanskje få tak i nypoda trær for å få det til? Hmmm ;)

    SvarSlett