lørdag 7. februar 2009

Utsikt frå soverommet


I ettermiddag sto eg og strauk gardiner på soverommet, etter over eitt år i huset vil vel enkelte meine at tida var overmoden for å få opp gardiner i stova... Jaja, no er dei på plass i alle fall. Uansett, eg kom til å kaste eit blikk ut vindauget og falt i staver over Venus som strålte utover det kalde kvite landskapet. Som de ser er det snø her, og 6 kalde grader. Så vinterblomstringa frå forrige innlegg er nok tapt, diverre.


Hønene nektar å gå ut når det er snø. Så eg og jenta har vore ute for å muntre dei opp med litt havre, det likar dei godt. Og når dei er opptatt med å hive innpå ser jenta sitt snitt til å klappe litt på dei. Gode og mjuke å ta på.



Ho blir to år i mai og har nyleg oppdaga gleda ved å kunne kommunisere med ord. Så no kjem stadig nye gloser trillande ut. I dag tidleg kunne ho informere far sin om at det var hjort å sjå i lia på sida av huset (som de kan sjå på det øverste bildet) og heilt riktig, der var det to av sorten som tusla bortover.

Eg må seie eg er godt nøgd med å ha funne ein plass å bu der avkommet kan få førstehandskjennskap til hjort og pinnsvin, og kan lære seg å skilje mellom haner og høner i ein alder av eitt og eit halvt år.

3 kommentarer:

  1. Så stor vesle peon har blitt og det er kjekt når de begynner å snakke.
    Det må være kjekt å vokse opp med dyr rundt seg i bynære strøk....

    SvarSlett
  2. Ja, ho har blitt stor no. Og denne pratinga er ein fornøyelse, må eg seie!

    SvarSlett