torsdag 6. mars 2008

Hekketid

Som barn tilbrakte eg mykje tid om sommaren på besteforeldra mine sitt sommarhus utanfor Dublin. Nesten det beste med den irske landsbygda er alle småveiane, ordentlige ”winding country lanes”. Langs desse veiane er det alltid hekkar, meir eller mindre ville og ugjennomtrengelige blandingshekkar. Typiske planter i ein slik hekk er hagtorn, liguster, villeple, hassel, hyll og andre småtre. Det heile blir vevd saman av vivendel, bjørnebær og villroser. I tillegg veks det villblomar av mange slag på kvar ledige flekk. I hagen til besteforeldra mine vokste det ein litt foredla utgåve av ein slik hekk, der var høge skjærsminar, ein og annan thuja, klatreroser og klematis i tillegg til dei andre eg har nevnt. Duften av ein slik hekk om sommaren er ubeskrivelig. Lyden også, humlesurr og fuglesang. Gode minner.


Ein slik hekk har eg ønska meg så lenge eg har vore hagemenneske (det vil seie så lenge eg kan huske...). No skal eg plante ein her i hagen, i den øverste enden opp mot skogkanten. Den skal vere maks to meter høg og fungere som barriere for hjorten. I hekken skal det vere ein port, og over porten ein roseboge. Hekken skal ha planter som blomstrar og duftar. Det skal vere bær, nyper og nøtter til både oss og fuglane. Litt har eg frå før, og no i februar har eg handla ein del på salg. Så langt har eg:


Junisøtmispel 'Moelv' (3 stk)
Bærsøtmispel 'Alvdal' (1 stk)
Svartsurbær 'Moskva' (2 stk)
Vinterliguster (1 stk)
Prydeple 'Royalty' (1 stk)
Alperips 'Schmidt' (2 stk)
Syrin 'Charles Joly' (1 stk)
Syrinhortensia 'Grandiflora' (1 stk)

Bjørnebær 'Thornless Evergreen' (3 stk)


Har også ein svarthyll 'Black Lace', men eg er neimen ikkje sikker på om eg vil bruke den i hekken, den er jo så fin i seg sjølv... Får sette stiklingar av den vanlige svarthyllen, det er jo visstnok lett.

Og så må eg ha klatrande roser, kaprifol, klematis. Hassel ønskar eg meg også. Kanskje noko Prunus, villkirsebær? Vinterkirsebær? Mange muligheter! Trur det kan bli fint, i alle fall.

Meir om tradisjonelle hekkar.

4 kommentarer:

  1. ååå, nå blei jeg glad :D
    Endelig en som liker miksa hekker og ikke bare skal ha disse ensidige ordentlige greiene.

    Gleder meg til å lese mer om prosjektet, og jeg er sikker over at du og familien, naboer og kansje spesielt fuglene dine kommer til å sette enormt pris på hekken :D

    SvarSlett
  2. Denne kommentaren har blitt fjernet av forfatteren.

    SvarSlett
  3. Blåbærhagen er lagt som favoritt og jeg gleder meg til å følge dere fremover. Masse hilsner fra Anne

    SvarSlett
  4. Du planlegger godt, og velger gode sorter med omhu. Jeg har stor tro på prosjektet ditt! Veldig moro å få lese :-)

    SvarSlett