mandag 6. februar 2012

Gult

Eg har ofte sagt at eg ikkje er så veldig glad i gule blomar i hagen. Likevel syns eg det har vore vanskeleg å bestemme kva for bilde eg skulle velge til den gule runden i Moseplassen sin fargekonkurranse. Og det seier vel noko? Her er dei eg skal velge mellom (for eg har ikkje bestemt meg enno no når eg byrjar på innlegget!)
Den sitrongule ballblomen fekk eg hos bestemor mi for ein del år tilbake.Den får ofte ein grønn kant langs kronblada, du kan såvidt skimte det på bildet. Eg syns det er så fint!Denne blomstrar kjempemasse i mai/juni. For eit par år sidan døydde bestemor mi, nettopp i juni. Så kvart år når ballblomane står i flor syns eg dei er sånn eit fint minne om henne. Etter blomstring pleier eg å klippe ned heile planta, då blir det snart ei fin grøn tue i bedet og på hausten kjem det ofte ei blomstring til. Denne er kjempefin til snitt, blomen står lenge i vase.

Den gule sverdirisen er noko av det mest livskraftige eg veit, ordentlig staskar. Ekstra fin vart han saman med den blålilla julistorkenebben. Eit tilfeldig men vellukka naboskap, får ein seie! Dette naboskapet skal me vidareutvikle ved å plante desse to saman med stormarikåpe langs den nyleg rydda bekken vår. Gult, blålilla og limegrønt trur eg blir bra - også har me jo desse staudene i såpass store mengder at me kan nå over eit godt stykke.




Så er det denne primulaen. Eg er litt usikker på kvar den kjem frå og kva det er for ein. Enten er det ein sjølvsådd frøplante av Primula waltonii (den rosa de skimtar i bakgrunnen nede til høgre) ellers er det ein frøplante eg fekk hos nokon (Mariann?). Eg huskar det var ein heil del små primulaplanter som kom i hus for eit par år sidan, men huskar sjølvsagt ikkje namnet på alle. Attmed den gule står det to til av same art, ein oransje og ein litt gusjerosa. Ein av desse tre (huskar ikkje kva for ein) duftar aldeles nydeleg. Uansett, denne lysegule er veldig søt, og den blomstrar lenge også.

Så gjenstår det berre å velge. Og no når eg har skrive meg gjennom det og sett nøye på bilda, så trur eg faktisk det må bli primulaen. Ikkje den knallaste gule, men sart og fin. Og så er jo faktisk ballblomen med i bagrunnen!

Mange fleire gule favorittar finn du hos Moseplassen.

TILLEGG: Mariann skriv at ho sådde Primula alpicola for nokre år sidan, det er sannsynlegvis den eg har fått som sidan blomstra så fint og gult i sommar. 

6 kommentarer:

  1. Synes du valgt helt rett, selv om alle 3 var fin på sin måte. Primulaen hadde en deilig sart gulfarge! Håper du kommer langt med denne :-)

    SvarSlett
  2. Den gule ballblomen er et kjært barndomsminne! Husker at jeg plukket flotte buketter med slike, det var den virkelige sommerblomsten.

    Ønsker deg en fin kveld!

    SvarSlett
  3. Et veldig godt valg.
    Den var yndig

    SvarSlett
  4. Nydelig farge på den primulaen. Hvis du har fått den hos meg, kan det være en P. alpicola. Jeg hadde masse frøplanter av den for noen år siden og de fikk blomster i ulike farger.
    Nydelig ballblom også, for et koselig minne om din bestemor.
    Lykke til i konkurransen!

    SvarSlett
    Svar
    1. Takk Mariann, då trur eg det må vere den! Dei står liksom ikkje tilfeldig nok plassert, desse tre, til å vere sjølvsådde. Men samtidig så står dei rett ved sidan av waltoniien som jo er ganske lik, så eg var veldig i tvil.

      Slett
  5. du så delikat den primulaen var i fargen, lekker!

    Ballblom har det vært mye av disse siste to dagene, og godt er det for som for vivi så er dette et kjært barneminne :)

    SvarSlett