fredag 19. november 2010

Så er det vinter...





...og det er på tide med eit livsteikn. Det har vore stilt her lenge. Det har ikkje vore den mest inspirerande sommaren, kaldt og vått og breiflabb overalt. Ok, ikkje breiflabb kanskje, men storkjefta klauvdyr har her i alle fall vore. Hjortegjerdet har fungert fint, men det hjelper ikkje når naboen manglar nokre meter på si side og løyser problemet ved å spenne opp hyssing mellom nokre buskar. Så hjorten kom seg inn eit par gonger og fekk gjort litt skade i år også. Verst gjekk det utover fem nykjøpte frukttre som knapt hadde kome seg i jorda. Er det rart ein stakkar går litt hagelei?

Elles har me utvida hagen med eit halvt mål steinrøys, me har fått kjøpt den ubyggbare nabotomta for ein relativt billig penge. Der er det overgrodd med villnisspirea og parkslirekne, men eg trur me skal få skikk på det. Det blir mannen i huset sitt prosjekt, han og minsteguten skal vere heime heile våren og gjøre nybrottsarbeid. Han har planar om andedam, kaninoppdrett og drivhus der borte, bøkehekk mot skogen og frukttre i skråningen. Stakkars mann, han trudde han gifta seg med ei hagegal dame men no har eg visst mista gløden. Heldigvis er han i stand til å bere fakkelen åleine for tida, så får me satse på at eg kjem tilbake til det med tid og stunder. I mellomtida har eg tilbudt han å bli gjestebloggar på Blåbærhagen, kanskje han slår til på det? Eller kanskje eg blir flinkare sjølv framover, eg merkar no at det var fint å vere tilbake!
Og det er fleire grunner til at hagen ikkje har vore i fokus i sommar, eg har hatt det travelt med heilt andre ting. Ein liten nettbutikk har det blitt og eg har brukt mykje tid på å sette meg inn i det tekniske, leite opp leverandørar, fikse ditt og datt. No er den ferdig og eg er fornøyd! Så om du er ute etter miljøvennlege hobbyartiklar som metervare i økobomull eller resirkulerte papirvarer er dette staden å gå, og velkomen skal du vere.
Haustkrans av bjørkeris, snøbær, mispel og salvie, inspirert av Moseplassens instruksjonsvideo

9 kommentarer:

  1. Nydelige bilder med flotte farger! Jeg har også mista hagegløden. Men jeg har nok for mye annet å holde på med. Det er nok sånn at det er grenser for hvor mye det er plass til. Tror du ikke det?

    SvarSlett
  2. Hyggelig å høre litt fra deg i blåbærhagen.
    Kjekk liten nettbutikk du har fått til og mannen ønskes lykke til med steinrøysa!

    SvarSlett
  3. Unni: Jo, det trur eg absolutt! Slenger du inn eit par ungar i tillegg så er det rimelig fullt opp.
    Randine: Tusen takk!

    SvarSlett
  4. så flott krans du har laget!

    Veit du, jeg blir så utrolig glad når jeg forstår at jeg har vært med på å inspirere/gi tips slik at slike flotte ting som dette blir laget. Skikkelig artig at du viser frem, og tusen takk for at du lenker til kransposten :)

    Jeg sitter faktisk klar for å lage en ny kransfilm nå. Blir ikke så fansy som den du har sett, for denne gangen skal jeg sjøl stå forran kamera, og jeg er slettes ikke så proff som Kari, men det får vel stå til ;)

    Gratulerer med ny nettbutikk, og god helg!

    SvarSlett
  5. Så hyggeleg at du er tilbake! Eg har sett etter deg...

    SvarSlett
  6. Anne: Du er ei stor inspirasjonskjelde for meg og utallige andre også! Eg gler meg til å sjå deg in action.

    Tigerlilje: tusen takk, kjekt å vere tilbake!

    SvarSlett
  7. Hei.

    Hyggelig med et lite livstegn fra blåbærhagen! Jeg har også savnet dine inspirerende hageepistler :)

    Fin nettside. Jeg liker ellers godt dine tovete kosedyr :) Har nettopp fått nytt barnebar.

    Hilsen Maritfri

    SvarSlett
  8. Hei Marit! Det var fine ord frå ei så dreven hagedame som deg.
    Eg tar forresten heile dyrehagen med meg til julemarknad på Stend i helga, i tilfelle du har tenkt deg i den retninga. Gratulerer med barnebarnet!

    SvarSlett
  9. Fine bilder, og hyggelig med blogginnlegg fra deg igjen. :) Andedam og kaninoppdrett i hagen hørtes meget idyllisk ut.

    Gleder meg forøvrig til bomullsstoffet jeg bestilte fra deg er på plass. Hurra for økologisk stoff!

    SvarSlett